(Presented by Mastercard)

暑假啱啱开始咗啦!好可惜阿佳已经一早过咗学生时代,享受唔到呢啲悠长假期啦!与其喺呢啲旅游旺季捱贵机票,倒不如同女朋友嚟番转一、两日嘅小旅行,假都唔使拎,轻轻鬆鬆漫步同食好西,已经令阿佳心满意足!

讲到短线旅行嘅最佳选择,距离香港1个钟船程嘅澳门就最啱啦!不论食、住、玩乐,澳门都够晒多姿多彩,加上嚟紧好多新酒店开幕,Hea Hea 哋绝对够你歎番一、两日!如果带啱信用卡嘅话,分分钟现金都可以唔使带,随时话走就走呀!近排见到Mastercard喺澳门都做紧好多着数Offer,有啲都几值得参考㗎~

第1大 : 平歎豪华头等船舱

平时工作咁辛苦,去得旅行梗係想歎吓啦!去澳门虽然只係1个钟左右,阿佳一样要追求极致享受!其中金光飞航嘅头等舱啱啱先做完翻新,可以舒舒服服咁坐住全真皮座椅,再悠闲咁食埋个丰富早餐,话咁快就差唔多到达澳门!

澳门星级享乐6大精彩推介@Travel佳
最抵嘅係依家用Mastercard买金光飞航头等舱船飞仲有8折优惠添,星级享乐之旅正式开始!

第2大:摄人4D奇幻世界

阿佳落船之后当然要即刻玩番转先啦!3D立体幻觉美术馆近年大受欢迎,但澳门十六浦竟然有全澳门首个4D美术画嘅场馆,阿佳梗係要率先去体验一下!叫得上4D,除咗视觉错觉同特效灯光刺激感官之外,仲有模拟声效同埋大量Props,净係影相都可以同女朋友玩半日呀!更加爽嘅係,原来用Mastercard买飞又有8折,每人几十蚊就可以化身画中主角,尽情Selfie一番!

澳门星级享乐6大精彩推介@Travel佳
澳门嘅福隆新街可能你去过好多次,但係3D立体嘅你又玩过未?

第3大:豪食米芝莲餐厅

玩到差唔多就梗係要医肚啦!澳门除咗地道小食,仲有好多具国际水準嘅高级餐厅㗎!阿佳一向食得招积,今次就一早用World Mastercard Book咗间位于新濠天地、荣获米芝莲二星殊荣嘅「誉珑轩」 同女朋友食番餐好嘅!以米芝莲星级餐厅嚟讲,呢个二人套餐价钱十分相宜,但菜式绝不简单!蜜汁叉烧係以西班牙黑豚炮製、酸辣羹用上北海道毛蟹,前菜更加有法国生蚝配以冰梅温室小番茄,女朋友食到讚不绝口!每人几百蚊就可以品嚐到米芝莲二星嘅质素,简直係超值呀!

澳门星级享乐6大精彩推介@Travel佳
左:北海道毛蟹酸辣羹 右:花雕蛋白蒸海斑球

第4大:嚐得奖中菜厅

唔知大家去旅行时有冇遇到啲传统少少嘅亲戚朋友,去到边都要食番港式烧味先至安乐嘅?有嘅话唔使烦,一于学阿佳咁,带佢哋去试嚟自香港兼荣获米芝莲一星推介嘅「新斗记」啦! 其中佢嘅火山石即烧乳猪更加係佢嘅镇店之宝!用埋Mastercard 仲可以用半价享用佢个玫瑰豉油鸡添!

澳门星级享乐6大精彩推介@Travel佳
阿佳仲发现到,用Mastercard去「新斗记」食饭,食南非15头乾鲍扣鹅掌买一送一添呀!

第5大:唔使坐飞机 都嚐到嘅外国滋味

除咗米芝莲餐厅外,阿佳都有啲抵食推介!喺威尼斯人度假村嘅威丰味环境宽敞舒适,自助餐形式包罗晒来自世界各地嘅美食,加上邻近金光综艺馆,仲要全天候24小时营业,无论玩到几夜都仲可以饱餐一顿啦!

澳门星级享乐6大精彩推介@Travel佳
用Mastercard畀钱午市同埋晚市自助餐有8折优惠呀~

第6大:平歎殿堂级食府

净係食环境都已经值回票价啦,依到由着名设计师Hasmioto Yukio同埋David Sung精心设计,格局充满日本及现代美学元素,环境极之舒适,加上食物绝不欺场,如空运南非龙虾、阿拉斯加皇帝蟹脚、即开生蚝,种类够晒多。

澳门星级享乐6大精彩推介@Travel佳
用Mastercard消费享用自助晚餐,仲有85折优惠~

优惠由即日至

相关条款及细则请浏览Mastercard网页


上一篇:
下一篇: